Для многіх хрысціянская дэмакратыя нешта старамоднае, надта рэлігійнае ці нават палітычна маргінальнае. У гэтым відэа мы разбярэм самыя папулярныя стэрэатыпы аб хрысціянскай дэмакратыі і даведаемся, хто такія хрысціянскія дэмакраты насамрэч!

Прыемнага прагляда!

The post “Міфы і стэрыатыпы аб хрысціянскай дэмакратыі” appeared first on Афіцыйны сайт Беларускай Хрысціянскай Дэмакратыі (БХД).

У аўторак, Уладзіміру Яроменку прад’явілі пастанову аб узбуджэньні крымінальнай справы па артыкуле 421 “Парушэньне прэвентыўнага нагляду”, датаваную 24 траўня. Актывіст афіцыйна адмовіўся даваць сьведчаньні па справе, на што сьледчы прапанаваў яму зьявіцца ў чацьвер. 18 ліпеня, ужо з адвакатам.

Уладзімір Яроменак знаходзіўся пад прэвентыўным наглядам пасьля вызваленьня. Актывіст адбываў пакараньне за Плошчу-2010.

The post На Ўладзіміра Яроменка завялі крымінальную справу (фота) appeared first on Афіцыйны сайт Беларускай Хрысціянскай Дэмакратыі (БХД).

Нагадаем, Уладзь быў затрыманы 6 лістапада на плошчы Незалежнасьці пад помнікам Леніну падчас арганізацыі антыкамуністычнай акцыі “кашачы пратэст, альбо рэвалюцыя пад валяр’янкай”. Ягоны паплечнік Раман Васільеў быў затрыманы на два дні пазьней і таксама пакараны адміністратыўным арыштам тэрмінам на 15 сутак.

Сайт “Маладога фронту” паведамляе, што напярэдадні 7 лістапада актывісты МФ вырашылі паследаваць прыкладу змагароў супраць камуністычнай ідэалогіі мінулых часоў і аблілі настойкай валяр’яны пастамент помніка Леніна на плошчы Незалежнасці ў Менску. Мэта акцыі — заахвоціць катоў і котак з навакольных тэрыторыяў прыйсці пад помнік і “выказаць свае пачуцці”.

The post Сустракаем Уладзя Яроменка! appeared first on Афіцыйны сайт Беларускай Хрысціянскай Дэмакратыі (БХД).

Напісаць гэтыя радкі мяне прымусіла рэакцыя,  а дакладней, яе поўная адсутнасць на інфармацыю пра пагрозу завядзення новай крымінальнай справы на Змітра Дашкевіча з боку, здавалася б, сваіх – нашай апазіцыі. Вы спытаецеся, чаму я не казала пра гэта падчас нашай апошняй сустрэчы? Цяжка гаварыць пра такія рэчы між справамі, таму цяпер я дазволю сабе зняць дзелавы пінжак і выказацца па-жаночаму, як нявеста палітвязня.

Спадарства, таварышы, калегі; кансерватыўныя і прагрэсіўныя;  прыхільнікі “старой меншасці” ды “новай большасці” – ды якая ў прынцыпе розніца, як хто завецца? Ніхто з вас чамусьці не выказаў ні слова ў салідарнасць з Дашкевічам…

Не так даўно, яшчэ паўтара года таму, на свабодзе Зміцер штодня гутарыў з вамі па тэлефоне, сустракаўся за кубкам кавы, абмяркоўваў бягучыя палітычныя справы ды выказваў прагнозы на прэзідэнцкія выбары. Вы рукаліся, жартавалі, ляпалі  адзін аднаго па плячы… Цяпер вы і працягваеце сустракацца між сабой ў тых самых кавярнях за куфлямі халоднага піва, будаваць новыя планы, рабіць палітычныя прагнозы, абмяркоўваць, хто што напісаў у фэйсбуку ці запосціў у Твітары. Змітра (не гаворачы ўжо пра іншых палітвязняў) вы выкраслілі са сваёй тусоўкі, быццам бы ён не з’яўляецца адным з найбольш аддадзеных і перспектыўных палітычных лідараў новай Беларусі.

Чаму выкраслілі?  Што гэта – свядомае знішчэнне палітычнага апанента, звычайная апатыя ды абыякавасць, боязь патрапіць у няміласць за падтрымку моладзевага лідара, вядомага сваёй радыкальнай і прынцыповай пазіцыяй? Пакуль вы абмяркоўваеце, на чым – метро ці маршрутцы – зручней ездзіць; шукаеце, дзе б дастаць тых самых плюшавых мядзьведзікаў ды спрачаецеся, якая стратэгія лепш у гэтых усё адно безвыніковых выбарах,  Зміцер штодня вымушаны змагацца за сябе, за сваё вызваленне і сваё жыццё.

Што гэта такое – “яўка з павіннай”, якую агучыў Зміцер Дашкевіч?  Гэта значыць – не падпарадкоўвацца любым патрабаванням адміністрацыі калоніі. Не ходзіш на шыхтаванне і зарадку – адседзь 15 сутак у ШЫЗА, у цеснай сырой камеры, дзе не выдаюць бялізну і матрац, нельга чытаць, забаронена ліставанне. Не ходзіш у сталоўку – харчуйся месяц тым, што здолеў набыць на 100 тыс. у мясцовай краме. Не ходзіш на працу – і ты пазбаўлены перадачы і спаткання раз на тры месяцы. Гэта ўсё цягне закрыты суд і дадатковы тэрмін па арт.411 КК за парушэнне правілаў адбыцця пакарання, то бок – яшчэ “накінуты” год, потым – два, і так – да бясконцасці. Як вы думаеце, ці проста даецца гэтае змаганне супраць сістэмы пад бесперапынны брэх байцоўскіх сабак і дулы канваірскіх аўтаматаў?…

“Яўка з павіннай ” – гэта заступніцтва за ўсіх палітвязняў са словамі: перастаньце ламаць нас турмою ў турме, мы не баімся і не дазволім!

У мінулы раз у 2007 годзе ў Шклоўскай калоніі на яго завялі крымінальную справу за адмову сведчыць супраць свайго сябра і паплечніка Івана Шылы. Многія казалі: нашто гэты радыкалізм? Можна ж было схітрыць, прыкінуцца дурненькім,альбо чалавекам з кепскаю памяццю, але для  Змітра  быў важны сам факт: сведчанне супраць сябра. Ён і раней адмаўляўся супрацоўнічаць са следствам, нават у турме  адказваў сваё адназначнае “не”.  “Борзы ці  што?” – як любяць пытацца беларускія амапаўцы, і самі часам і адказваюць  – “ды бачу, што борзы!”

Зьміцер слушна паступіў. Ён выбраў шлях Чалавека, а не раба. Зміцер вельмі хоча на свабоду, але яшчэ больш ён хоча застацца годным чалавекам. Там, у турме не гуляюць на публіку, не турбуюцца пра імідж. Там галоўнае – не даць сябе зламаць . Ён абраў вельмі няпросты шлях. І мне прызнаюся вельмі страшна за яго. Мне давялося прабыць усяго 2 месяцы ў “амерыканцы” пасля выбараў у 2010 годзе, таму я ўяўляю, наколькі гэта цяжка ўвесь час знаходзіцца пад пагрозаю правакацыі з боку “падсадных” зэкаў, без сустрэчаў з роднымі людзьмі. За гэтыя паўтара года я атрымала каля 300 лістоў ад Змітра, а бачылася з ім толькі двойчы – на судзе і падчас пахавання яго маці.

Цяпер Змітру пагражае дадатковы год турмы. Камусьці гэты тэрмін можа падацца малым – маўляў, час ляціць так хутка!…Узгадайце выцвілыя вочы, знясіленую постаць многіх тых, хто выйшаў з турмы праз год пасля выбараў-2010 – нават год у зняволенні здольны знішчыць чалавека. Ды не дадуць Змітру новы тэрмін, не асмеляцца – можаце сказаць вы. А чаму не дадуць? Ці нашыя ўлады не здольныя катаваць людзей да бясконцасці?

Калісьці мужны Мікіта Ліхавід адмовіўся падпарадкоўвацца ўсім турэмным патрабаваннем , ён праседзеў звыш 2,5 месяцаў у ШЫЗА. Зміцер ужо адседзеў агулам год у ШЫЗА і камеры крытага тыпу.  Можа, хопіць?

Кожны з нас можа паўплываць на лёс Змітра Дашкевіча і іншых палітвязняў.

Што можна зрабіць? Як мінімум:

1. палітыкі – уздымаць праблему палітвязняў на ўсіх сустрэчах, як унутры Беларусі так і па-за яе межамі; дамагацца сустрэч і рэакцый высокапастаўленых еўрапейскіх чыноўнікаў на праблему палітвязняў;  арганізоўваць кампаніі салідарнасці з палітвязнямі, незалежна ад таго, ці з’яўляюцца яны сябрамі вашых партыяў ці кампаній; не ленавацца выказваць пазіцыі сваіх структураў па праблемах палітвязняў. Уявіце, што сядзяць вашыя дзеці-бацькі-браты, што б вы тады рабілі?
2. журналісты – проста пісаць пра палітвязняў. Так, гэтая тэма не штодня дае цікавыя інфармацыйныя нагоды, але вашыя артыкулы рэальна палягчаюць існаванне палітвязняў у турмах: нагадваюць ім, што пра іх памятаюць;
3. эмігранты – абіваць парогі ўсіх заходніх структураў, даносіць ім інфармацыю пра палітвязняў; працаваць з беларускімі прадстаўніцтвамі і асобнымі людзьмі, якія ўплываюць на  палітычную ці эканамічную сітуацыю ў краіне.
4. усе неабыякавыя людзі – пісаць лісты падтрымкі палітвязням і лісты з патрабаваннямі іх вызвалення ў КДБ, Следчы камітэт, Генеральную Пракуратуру, Адміністрацыю Прэзідэнта і г.д. Не баяцца ініцыяваць любыя акцыі падтрымкі і грамадскай салідарнасці. Арганізоўвайце малітвы за палітвязняў, прасіце перад Богам за іх. Магчыма, менавіта вашыя высілкі прывядуць  да вызвалення палітвязняў.

Зміцер не любіць гуляць па чужых правілах. Я часта ўзгадваю ягоныя словы: “Вы ўсё спрабуеце гуляць з рэжымам у шахматы, а так не атрымаецца. Пакуль вы будзеце думаць, якой там літарай ходзіць конь – Вас ужо шарахнуць шахматнай дошкай па галаве”.

Кіньце хадзіць канём ды біць палітвязняў і іх сваякоў шахматнай дошкай па галаве!

“Тады скажа і тым, якія леваруч ад Яго: «ідзеце ад Мяне, праклятыя, у вагонь вечны, угатаваны д’яблу і анёлам ягоным: бо быў галодны Я, вы не далі Мне есьці; быў сасьмяглы, і вы не напаілі Мяне; быў падарожны, і не прынялі Мяне; быў голы, і не адзелі Мяне; хворы і ў цямніцы, і не адведалі Мяне». Тады і яны скажуць яму ў адказ: «Госпадзе, калі мы бачылі Цябе галоднага, альбо сасьмяглага, альбо падарожнага, альбо голага, альбо хворага, альбо ў цямніцы, і не паслужылі Табе?» Тады скажа ім у адказ: «праўду кажу вам: як што вы не зрабілі гэтага аднаму з гэтых меншых, дык не зрабілі Мне». І пойдуць гэтыя на пакуты вечныя, а праведнікі ў жыцьцё вечнае” (Мц: 25:41-46)

The post Нож у спіну, ці Пра салідарнасць з палітвязнямі appeared first on Афіцыйны сайт Беларускай Хрысціянскай Дэмакратыі (БХД).

Шостага ліпеня адміністрацыя папраўчай калёніі №13, дзе адбывае пакараньне лідэр МФ Зьміцер Дашкевіч, падала матэрыялы на ўзбуджэньне крымінальнай справы за “невыкананьне рэжыму калёніі” (ч. 1 арт411  ККРБ) у сьледчы камітэт РБ. Аб гэтым сёньня даведалася нявеста Зьмітра Наста Палажанка пасьля наведваньня калёніі №13 у Глыбокім.

Як стала вядома, Зьміцер Дашкевіч амаль адразу пасьля выхаду ў атрад быў зьмешчаны ў штрафны ізалятар тэрмінам на 13 сутак. Пазьней Дашкевіч даведаўся, што яму дадалі некалькі сутак зьняволеньня ў ізалятары нібыта за правапарушэньні, якія былі зьдзейсьнены раней. У адказ на магчымае завядзеньне новай крымінальнай справы Дашкевіч напісаў Адміністрацыі ПК-13 наступны дакумант.

Начальніку ПК-13

Яўка з павіннаю

Я, Дашкевіч Д.В., прызнаю сябе віноўным у тым, што сьвядома адмаўляюся выконваць некаторыя патрабаваньні адміністрацыі калёніі, якія лічу незаконнымі.
Каб спрасьціць працу правакатарам, агентам і сьледчаму камітэту, я адмаўляюся выконваць любыя патрабаваньні адміністрацыі любой калёніі ў якой я буду знаходзіцца.

Раю беларускім спэцслужбам асудзіць мяне на максімальны тэрмін, прадугледжаны арт. 411 КК РБ, пры гэтым рыхтуючы на мяне новыя крымінальныя справы ў кожнай новай калёніі.

Зьміцер Дашкевіч

10.07.2012

Калі Зьмітра Дашкевіча прызнаюць вінаватым па гэтым артыкуле, яму могуць дадаць да турэмнага тэрміну яшчэ год зьняволеньня. Нагадаем, Зьміцер Дашкевіч напярэдадні падзеяў Плошчы-2010 быў асуджаны на 2 гады і мусіць выйсьці на свабоду 18 сьнежня 2012 г.

The post Дашкевіч кідае выклік сістэме appeared first on Афіцыйны сайт Беларускай Хрысціянскай Дэмакратыі (БХД).

Традыцыйнае мерапрыемства ў Курапатах ладзіцца менскімі грамадзкімі актывістамі кожны месяц 29-га чысла. Пачатак сёньняшняй акцыі а 17 гадзіне. Менск, урочышча Курапаты. Прыходзьце ўскладанне кветак і малітву ў Курапатах, а таксама на сустрэчу паплечнікаў ля Акрэсьціна!

The post Акцыя ў Курапатах і сустрэча “сутачнікаў”. Далучайцеся! appeared first on Афіцыйны сайт Беларускай Хрысціянскай Дэмакратыі (БХД).

Нагадаем, 19 верасня, у Дзень нацыянальнага сцяга і герба Беларусі, спецназаўцы затрымалі Насту Палажанку на Кастрычніцкай плошчы. Суд прызнаў дзяўчыну вінаватаю ва ўдзеле ў несанкцыянаваным мерапрыемстве і прысудзіў да 11 сутак арышту. Абарона Палажанкі абскардзіла прысуд. На першым судовым працэсе па скарзе Палажанкі суд прыняў рашэнне адкласці разгляд справы ў сувязі з недахопам інфармацыі і доказаў па справе.

4 лістапада мусіць адбыцца паўторнае паседжанне, на якім суд будзе разглядаць касацыйную скаргу Палажанкі, а таксама разгледзіць заяву абароны на незаконнае выкарыстанне мабільнага тэлефона Палажанкі, бо пасля вызвалення дзяўчына высвятліла, што падчас арышту з яе тэлефона вынішчаная ўся інфармацыя і ўсе кантакты, і, больш за тое, у гэты час з тэлефона нехта выходзіў у Інтэрнэт.

Нагадаем, што за падзеі 19 сьнежня 2010 году ў Менску Наста Палажанка была асуджаная на 1 год пазбаўлення волі з адтэрміноўкай пакарання на 1 год. З часу вынясення прысуду за Плошчу-2010 Насту ўжо двойчы прысуджалі да адміністрацыйнага арышту. Напачатку кастрычніка Палажанка атрымала апошняе папярэджанне: у выпадку яшчэ аднаго прыцягнення да адміністрацыйнай адказнасці ўмоўны тэрмін дзяўчыны ператворыцца ў рэальны год зняволення. Акрамя таго, два дні таму Палажанцы прыйшла позва з выклікам у падатковую інспэкцыю: Насту просяць у наздвычай кароткі тэрмін — да 17 лістапада 2011 г. — падаць дэклярацыю аб даходах за 2010 год.

The post Ці прызнае суд несправядлівымі “суткі” Насты Палажанкі? appeared first on Афіцыйны сайт Беларускай Хрысціянскай Дэмакратыі (БХД).

Падаем копію гэтага ліста: 

“Насьцюленька!

Пішу табе з адстойнікаў магілёўскай турмы. Дзе апынуся раніцай, ня ведаю. Адваротны адрас пакажа.

Да лепшага зьмяніцца сытуацыя ў Горках не пажадала. Зусім наадварот. Сказаць, што зьмянілася яна да горшага — не сказаць нічога…. Вызначылі мне тамтэйшыя такую кабалу, зь якое, пэўна, я ўжо і ня выберуся…

Трэба пабачыць Марыну тэрміновейшым чынам.

Неяк трэба ўсё перажыць, але як?.. ня ведаю і сам. Яму было прасьцей – Ён ішоў на Галгофу палову дні…

18—19.09.2011, 1.50

PS. Калі дойдзе да цябе гэты мой допіс, буду я ўжо ў нейкім іншым месцы. Гэтае ж вельмі падобнае да Жодзіна. Тут я да чысла 22—23. Цудоўны горад, цудоўны будынак, цудоўныя пакойчыкі. Спаў за 2 сутак 1,5 гадзіны і еў 0,5 раза. Але болей і ня лезе, ні сон і ні ежа. Мазгаўня мая дыміць і душа не знаходзіць спакою.
Дай-та Бог, каб вы з Марынаю дабраліся да мяне хутчэй, чым мае лісты да вас…

18—19.09.2011, 19.25

СІЗА-2, камера 108″.

Уладзімер Палажанка распавёў у інтэрвію радыё “Свабода”, што 26 верасьня адвакатцы Марыне Кавалеўскай не пацьвердзілі, але і не абверглі інфармацыю пра тое, што Дашкевіч знаходзіцца ў Магілёўскім СІЗА. Кавалеўскай прапанавалі прыехаць і высьвятляць гэтае пытаньне на месцы. Адвакатка паедзе ў Магілёў у аўторак 27 верасьня.

13 верасьня Дашкевіч паведаміў адвакату, што распачынае галадоўку, якая будзе цягнуцца, пакуль адміністрацыя Горацкай калёніі ня выканае шэраг ягоных патрабаваньняў.

Зьмітра Дашкевіча асудзілі на 2 гады зьняволеньня нібыта за хуліганства. Паводле судовага выраку, 18 сьнежня Зьміцер Дашкевіч і актывіст “Маладога фронту” Эдуард Лобаў зьбілі ў Менску мінакоў.

Дашкевіч і Лобаў сваёй віны не прызналі і заявілі, што гэта была правакацыя спэцслужбаў напярэдадні прэзыдэнцкіх выбараў.

19 верасьня намесьніцу кіраўніка “Маладога фронту” Насту Палажанку арыштавалі на 11 сутак. Яе затрымалі разам з былым палітвязьнем Уладзімерам Яроменкам, калі яны меліся вывесіць у Менску нацыянальныя сьцягі. Палажанку і Яроменка зьвінавацілі ў парушэньні парадку правядзеньня і арганізацыі масавага мерапрыемства. Сваю акцыю чальцы “Маладога фронту” прымеркавалі да 20-й гадавіны абвяшчэньня “Пагоні” і бел-чырвона-белага сьцяга дзяржаўнымі сымбалямі Беларусі.

Наста Палажанка была асуджаная за падзеі 19 сьнежня на 1 год пазбаўленьня волі з адтэрміноўкай пакараньня на 1 год. Уладзімер Яроменак па справе аб падзеях на Плошчы атрымаў 3 гады калёніі ўзмоцненага рэжыму. Быў вызвалены 13 жніўня.

The post Дашкевіча катуюць у турме! (ліст палітвязьня) appeared first on Афіцыйны сайт Беларускай Хрысціянскай Дэмакратыі (БХД).

“Я ведаю Зьміцера, і дадатковых словаў, каб паняць тое, што ён хацеў умясьціць тут, мне ня трэба.  Усе, хто калі-небудзь знаходзіўся ў зняволеньні і прайшоў праз цэнзураваньне сваіх паведамленьняў, гэтаксама ведаюць як і што трэба пісаць такім чынам, каб твае лісты ўсё ж пабачылі блізкія. Зьміцер не губляе сілаў і ніякім чынам ня хоча непакоіць нас. Гэта прыклад мужнасці і непахіснасьці духу. Але Зьміцер дае зразумець, што там усё далёка не так ” — распавяла Наста Палажанка.

Зьмітра пазбавілі магчымасьці нармальна харчавацца — забаранілі перадачы й абмежавалі магчымасць нешта набываць у мясцовай краме, дазволіўшы траціць толькі 35 тыс.бел.рублей да КАНЦА ЎСЯГО ТЭРМІНУ. Зьміцер да гэтага пастаівўся так: “Нічога страшнага – яшчэ ніхто не памёр. : ) Чым менш ежы – тым больш цьвярозая галава і бадзёры дух. : )”

Зьміцер піша пра тое, што тут усім абыякава на ягоныя скаргі ў Пракуратуру і Дэпартамэнт Выканьня Пакараньняў. І раіць Насьце Палажанцы не губляць на гэта час: “З гэтымі начальнікамі з ДВП ты не губляй час. Нічога сэнсоўнага яны табе не скажуць. Зважаючы на сытуацыю з адвакатамі — тут дадзена адмашка на ўсё. ”

Дашкевіч ведае пра тое, што некаторых людзей пачалі вызваляць . Сам жа Зьміцер паведаміў, што да яго ніхто не звяртаўся ні з якімі прашэннямі на памілаванне. Але дадаў што:” Я недарэмна ўзяў гэты крыж, каб так проста здавацца” — у лісце Марыне Лобавай, маці палітвязьня Эдуарда Лобава.

Таксама Зьміцер Дашкевіч перказвае усім самыя шчырыя вітаньні і падзякі за падтрымку!

The post Зьміцер Дашкевіч на месяц зьмешчаны у ПКТ: “Тут дадзена адмашка на ўсё” appeared first on Афіцыйны сайт Беларускай Хрысціянскай Дэмакратыі (БХД).

“Лёгка зьдзейсняць злачынства, калі ты думаеш, што пра іх ніхто ня ведае. Проста ўсёй сістэме ісьці супраць аднога чалавека і складана адному даць адпор. Але можна і Зьміцер спрабуе” – каментуе Наста Палажанка.

Вядома, што Зьміцер Дашкевіч не першы раз ужо зьмешчаны ў штрафны ізалятар. Лідэр Маладога Фронту  адмовіўся ад падпісаньня ўсіх папераў. Літаральна адразу па прыезьдзе ў горацкую калонію ён стаў злосным парушальнікам рэжыму. Магчымасьць карыстаньня грашовымі сродкамі скарацілі яму ад 210 тыс да 35 тыс штомесяцова.  Ці пазбавілі маладога чалавека належных яму харчовых перадач і спакатканьняў пакуль невядома.

Мы просім усіх неабыякавых людзей, у каго сэрца баліць за гэтую сітуацыю, што склалася вакол Зьміцера Дашкевіча, пісаць адміністрацыі калоніі, тэлефанаваць ім, і прасіць пакінуць у спакоі маладога чалавека, а таксама нагадваць ім пра адказнасць за усё тое беззаканьне, што яны зьдзейсьняюць.

“На вялікі жаль, мы фактычна нічога не ведаем пра Зьміцера: лісты не даходзяць, адваката выганяць вонкі. Мы пішам дзесяткі скаргаў. Але я не ўпэўненна, што адміністрацыі калоніі дадзены загад настолькі жорстка рэпрэсаваць Зьміцера. І калі гэта мясцовая самаініцыятва для “падстрахоўкі сваіх галоў/пагонаў” – мы яе мусім зьнішчыць. А адміністрацыя калоніі мусіць адчуваць пільнасць да сітуацыі і ўвагу не толькі беларускіх грамадзян,  але й палітыкаў, дзеячоў культуры, міжнароднай супольнасьці, праваабарончых арганізацыяў і г.д. Мы мусім паказаць ім, што іх дзеяньні не маюць і ніколі ня будуць мець ананімны характар. Яны панясуць адказнасьць за ўсё, што адбываецца з дарагімі намі людзьмі на тэрыторыі іх турмы. Да галавоў і пагонаў, пра каторыя яны так рупяцца, мы таксама пры патрэбе дабярэмся.” – працягнула дзяўчына.

Просім дасылаць лісты кіраўніцтву горацкай калоніі па адрэсе:

Магілеўская вобл. г. Горкі, вул Дабралюбава 16, ВК-9. 213 410

Кавалёву А.М.

Тэлефанаваць:

Тэл.: (802233) 52361, (802233) 52363

The post HELP! Яны забіваюць яго ў турме! appeared first on Афіцыйны сайт Беларускай Хрысціянскай Дэмакратыі (БХД).