Гэтае рашэнне не з’яўляецца адмовай ад палітычнай адказнасці. Наадварот, яно звязана з неабходнасцю адкрыта сказаць: у сённяшняй мадэлі Каардынацыйная рада не валодае дастатковай роляй, паўнамоцтвамі і рэальным палітычным уплывам, каб стаць паўнавартасным прадстаўнічым органам беларускіх дэмакратычных сіл.

Мы лічым, што сёння галоўнай задачай павінна стаць не працэдура дзеля працэдуры, а ўзмацненне ролі Каардынацыйнай рады, пераразмеркаванне рэальнага ўплыву і стварэнне больш шырокай і ўключальнай сістэмы ўзаемадзеяння паміж палітычнымі структурамі, грамадзянскай супольнасцю, незалежнымі ініцыятывамі, экспертным асяроддзем і прадстаўнікамі.

Мы заклікаем усе дэмакратычныя сілы да еднасці, кансалідацыі, пастаяннага дыялогу і рэальнага пашырэння ўдзелу ў прыняцці палітычна значных рашэнняў.

Толькі так можна стварыць сапраўды прадстаўнічую, моцную і жыццяздольную альтэрнатыву сённяшняму рэжыму ў Беларусі.

Фракцыя «Наша Справа» / Беларускія Хрысціянскія Дэмакраты застаецца адкрытай да супольнай працы і дыялогу дзеля ўзмацнення беларускага дэмакратычнага руху.

The post Заява фракцыі «Наша Справа» / Беларускія Хрысціянскія Дэмакраты appeared first on Афіцыйны сайт Беларускай Хрысціянскай Дэмакратыі (БХД).

4 сакавіка ў Бруселі ў будынку Еўрапейскага парламента адбыўся трэці міжпартыйны форум “8+100″ — міжнародная канферэнцыя беларускіх дэмакратычных партый, еўрапейскіх палітыкаў і экспертаў, прысвечаная сітуацыі ў Беларусі, абароне правоў чалавека, падтрымцы дэмакратычных сіл і ролі Беларусі ў архітэктуры еўрапейскай бяспекі.

Канферэнцыя была арганізаваная прадстаўнікамі Беларускай хрысціянскай дэмакратыя разам з іншымі беларускімі дэмакратычнымі партыямі, а таксама з еўрапейскімі калегамі і партнёрамі Платформы беларускіх палітычных партый.

У форуме прынялі ўдзел лідары Беларускай хрысціянскай дэмакратыі — Павел Севярынец і Віталь Рымашэўскі.

Форум аб’яднаў прадстаўнікоў дзевяці беларускіх дэмакратычных палітычных партый і рухаў, дэпутатаў Еўрапейскага парламента, прадстаўнікоў інстытутаў Еўрапейскага саюза і міжнародных экспертаў.

У адкрыцці форуму і асноўных дыскусіях прынялі ўдзел старшыня АПК Святалана Ціханоўская, старшыня АПК Святалана Ціханоўская.віцэ-прэзідэнт Еўрапейскай народнай партыі, Анджэй Халіцкі, дэпутат Еўрапарламента Багдан Здруеўскі, старшыня дэлегацыі ЕП па стасунках з Беларуссю, Малгажата Гасеўская, старшыня дэлегацыі ЕП ў парламенцкай асамблеі Еўранэст, Сяргей Лагадзінскі.

У панэльных дыскусіях выступілі прадстаўнікі беларускіх і еўрапейскіх палітычных і экспертных колаў, у тым ліку Юры Губарэві (рух “За Свабоду”), Мікалай Казлоў (Аб’яднаная грамадзянская партыя), Віктар Бабарыка (аргкамітэт партыі “Разам”), Поль Галь (Парламенская асабмлея Рады Еўропы), Ігар Барысаў (Беларуская сацыял-дэмакратычная партыя “Грамада”), Уладзімір Астапенка (Аб’яднаны пераходны кабінет Беларусі), Мар’юш Камінскі (дэпутат Еўрапарламента), Віценіс Андрюкайціс (дэпутат Еўрапарламента).

Акрамя таго, у канферэнцыі ўзялі ўдзел прадстаўнікі Еўрапейскай камісіі і Еўрапейскай службы знешняга дзеяння — Ізабэль Рышар і Дэрэн Дерыя.

У мерапрыемстве таксама прысутнічалі дэпутаты Еўрапейскага парламента Мірыям Лексман і Міхаэль Галер.

Далучаем відэа вітання да канферэнцыі Паўла Севярынца: https://youtu.be/dSa5p0fnqCA

Выступ Віталя Рымашэўскага на панэльнай дыскусіі падчас панэльнай дыскусіі, прысвечанай ролі Беларусі ў архітэктуры еўраатлантычнай бяспекі і гібрыднай агрэсіі супраць Беларусі з боку Расеі: https://youtu.be/jBsryrnhdk8

Фота: VA

The post Беларуская хрысціянская дэмакратыя стала адным з арганізатараў форуму беларускіх дэмакратычных партый у Еўрапарламенце appeared first on Афіцыйны сайт Беларускай Хрысціянскай Дэмакратыі (БХД).

У мерапрыемстве ўзялі ўдзел адзін з лідараў БХД Павел Севярынец, святар Георгій Рой, прафесар Павел Церашковіч, прадстаўнік “Асацыяцыі беларускіх бацькоў Літвы” Уладзімір Заранкін, каардынатар БХД у Польшчы Анатоль Міхнавец, а таксама сакратарка віленскай суполкі Валерыя Чарнаморцава.

Сустрэча сабрала каля сарака ўдзельнікаў.

Аднаўленне віленскай суполкі БХД стала важным крокам у кансалідацыі беларускіх хрысціянскіх дэмакратаў у замежжы. Аргкамітэт Партыі працягне працу дзеля ўмацавання беларускай супольнасці, абароны правоў чалавека і падрыхтоўкі да дэмакратычных пераменаў у Беларусі.

The post У Вільні адноўлена дзейнасць віленскай суполкі БХД appeared first on Афіцыйны сайт Беларускай Хрысціянскай Дэмакратыі (БХД).

Падчас сустрэчы ўдзельнікі абмеркавалі сітуацыю ў Беларусі, выклікі жыцця ў выгнанні, лёс палітвязняў, а таксама перспектывы пераменаў. Размова атрымалася шчырай і глыбокай — прагучалі дзясяткі пытанняў пра будучыню краіны, шлях да перамогі і ролю хрысціянскіх каштоўнасцяў у аднаўленні справядлівасці.

Павел Севярынец падзякаваў арганізатарам — у прыватнасці Наталлі Калегавай і камандзе віленскага «Замка» — за цёплую атмасферу і магчымасць адкрытага дыялогу. Паводле ўдзельнікаў, сустрэча стала прасторай падтрымкі, салідарнасці і ўзаемнага ўмацавання.

«Мы — разам. І Беларусь жыве — нягледзячы ні на што!» — гэты настрой аб’яднаў усіх прысутных.

The post Сустрэча з Паўлам Севярынцам у Вільні: размова пра Беларусь, надзею і перамогу appeared first on Афіцыйны сайт Беларускай Хрысціянскай Дэмакратыі (БХД).

22 студзеня ў Вільні адбылася сустрэча беларусаў, якія пражываюць у Літве, з Паўлам Севярынцам — адным з лідараў Беларускай хрысціянскай дэмакратыі. Падчас мерапрыемства ён падзяліўся сваімі развагамі пра грамадскую абыякавасць і падкрэсліў, што здольнасць да зменаў у Беларусі пачынаецца з унутранай адказнасці і салідарнасці саміх беларусаў.

У фармаце адкрытай дыскусіі Павел Севярынец адказаў на пытанні ўдзельнікаў. У цэнтры размовы былі тэмы беларускае мовы і культуры, супольнай падтрымкі, грамадзянскай сталасці і падрыхтаванасці да будучых пераменаў.

Ключавы пасыл сустрэчы: «Ключ да Беларусі — у нас саміх». Удзельнікі адзначылі важнасць такіх сустрэч для ўмацавання супольнасці і захавання сувязі з Беларуссю.

Беларуская хрысціянская дэмакратыя дзякуе ўсім, хто далучыўся да сустрэчы.

The post Сустрэча з Паўлам Севярынцам у Вільні: размова пра адказнасць і «ключ да Беларусі» appeared first on Афіцыйны сайт Беларускай Хрысціянскай Дэмакратыі (БХД).

Віталь Рымашэўскі, адзін з лідараў Беларускай Хрысціянскай Дэмакратыі, у інтэрв’ю тэлеканалу «Белсат» у праграме «Двубой» аналізуе амерыканскі і еўрапейскі перамоўныя падыходы ў дачыненні да Беларусі, іх гуманітарныя вынікі і ўплыў на сістэму рэпрэсій. Ён падкрэслівае, што вызваленне палітычных зняволеных не суправаджаецца сістэмнымі зменамі і што Еўрапейскі звяз павінен стаць суб’ектам палітыкі па Беларусі, а не назіральнікам, улічваючы таксама кантэкст вайны і рэгіянальнай бяспекі.

Поўны тэкст інтэрв’ю даступны па спасылцы:
https://belsat.eu/90783671/vital-rymasheuski-chamu-eurazvyazu-patrebny-ulasny-peramouny-trek

The post Віталь Рымашэўскі: «Чаму Еўразвязу патрэбны ўласны перамоўны трэк па Беларусі» appeared first on Афіцыйны сайт Беларускай Хрысціянскай Дэмакратыі (БХД).

Віталь Рымашэўскі: «Чаму цяперашні падыход па санкцыях працуе супраць беларусаў і на карысць Пуціна?»

Віталь Рымашэўскі, адзін з лідараў Беларускай Хрысціянскай Дэмакратыі, у інтэрв’ю тэлеканалу Белсат у праграме «Двубой» разважае пра санкцыйную палітыку ЕС у дачыненні да Беларусі, яе ўплыў на беларускае грамадства і рост залежнасці краіны ад Расеі.

Поўны тэкст інтэрв’ю даступны па спасылцы:
👉 https://belsat.eu/90784007/vital-rymasheuski-chamu-tsyaperashni-padyhod-pa-sanktsyyah-pratsue-suprats-belarusau-i-na-karysts-putsina

The post Віталь Рымашэўскі: «Чаму цяперашні падыход па санкцыях працуе супраць беларусаў і на карысць Пуціна?» appeared first on Афіцыйны сайт Беларускай Хрысціянскай Дэмакратыі (БХД).

Павел Севярынец, адзін з лідараў Беларускай Хрысціянскай Дэмакратыі, даў шэраг актуальных інтэрв’ю для беларускіх медыя. Для тых, хто хоча азнаёміцца з ягонымі пазіцыямі і ацэнкамі падзей, публікуем спасылкі ніжэй.

Нагадаем, што Павел Севярынец быў вызвалены і цяпер знаходзіцца ў Вільні. Нядаўна да яго далучыліся жонка і сын — сям’я зноў разам.

🔗 https://youtu.be/L0vWqQiINBY?si=bRVN8f6-rRVHLT_O

🔗 https://3erk410.store/news/life/117282.html?tg=8&requestedLang=bel

🔗 https://www.youtube.com/watch?v=Sa_Yri0ATo0

The post Павел Севярынец — пра падзеі і будучыню Беларусі appeared first on Афіцыйны сайт Беларускай Хрысціянскай Дэмакратыі (БХД).

Хрыстос прыйшоў у гэты свет, каб прынесці чалавеку любоў, надзею і спакой сэрца. У гэтыя светлыя дні хочам пажадаць кожнай беларускай сям’і цяпла, узаемнай падтрымкі і веры ў дабро. Няхай Раство напоўніць Беларусь святлом, якое дорыць надзею і нагадвае: усё добрае пачынаецца з любові да бліжняга.

Міру, згоды і Божага благаславення вам і нашай Беларусі.

The post Віншуем з Раством Хрыстовым! appeared first on Афіцыйны сайт Беларускай Хрысціянскай Дэмакратыі (БХД).

Сёння вызваленыя беларускія палітычныя зняволеныя прыбылі ў Вільню. З Польшчы ў сталіцу Літвы прыехалі каля двух дзясяткаў чалавек. Сярод іх — грамадскі дзеяч, адзін з лідараў Беларускай хрысціянскай дэмакратыі Павел Севярынец, а таксама праваабаронца Уладзь Лабковіч.

Ад польскай мяжы аўтобус з беларускімі палітвязнямі суправаджала літоўская паліцыя.

Нагадаем, што ў ноч на сёння 90 чалавек прыбылі з Украіны ў Польшчу, а 13 снежня на волю выйшлі 123 палітычныя зняволеныя, незаконна ўтрымліваемыя рэжымам у Беларусі.

Для нас асабліва важна, што Павел Севярынец нарэшце даехаў да Вільні і цяпер знаходзіцца ў бяспецы. У бліжэйшыя дні Павел плануе прыйсці ў сябе і адпачыць — апошнія дні былі вельмі насычаныя, цяжкія і патрабуюць часу, каб асэнсаваць перажытае, разабрацца ў сітуацыі і спланаваць далейшыя крокі.

Мы шчыра дзякуем усім, хто падтрымліваў Паўла Севярынца малітвай, салідарнасцю і канкрэтнымі дзеяннямі, і радуемся, што сёння ён зноў з намі, на волі.

The post Павел Севярынец прыбыў у Вільню appeared first on Афіцыйны сайт Беларускай Хрысціянскай Дэмакратыі (БХД).