Палітыка Archives - Афіцыйны сайт Беларускай Хрысціянскай Дэмакратыі (БХД)

Беларуская хрысціянская дэмакратыя падтрымлівае петыцыю за ўсталяванне бел-чырвона-белага сцяга на Грунвальдскім полі

Дзяніс Садоўскі — Thu, 18 Jun 2026 14:00:22 +0000

Грунвальдская бітва 1410 года з’яўляецца часткай нашай агульнай еўрапейскай гісторыі. Разам з палякамі, літоўцамі, украінцамі, татарамі і іншымі народамі ў гэтай бітве ўдзельнічалі харугвы Вялікага Княства Літоўскага, сфармаваныя ў тым ліку на беларускіх землях. Таму прысутнасць беларускага нацыянальнага сімвала на Грунвальдскім полі стала б актам гістарычнай справядлівасці і павагі да ўнёску беларусаў у супольную перамогу.

Бел-чырвона-белы сцяг для беларусаў — гэта сімвал дзяржаўнасці, свабоды, годнасці і еўрапейскага выбару. Мы падтрымліваем гэтую ініцыятыву і заклікаем беларусаў, беларускія арганізацыі і ўсіх сяброў Беларусі падпісаць петыцыю і распаўсюдзіць яе.

Падпісаць петыцыю можна тут.

The post Беларуская хрысціянская дэмакратыя падтрымлівае петыцыю за ўсталяванне бел-чырвона-белага сцяга на Грунвальдскім полі appeared first on Афіцыйны сайт Беларускай Хрысціянскай Дэмакратыі (БХД).

Гібрыдныя пагрозы Расеі: Віталь Рымашэўскі пра дыскусію ў Еўрапарламенце

Дзяніс Садоўскі — Tue, 09 Jun 2026 13:00:54 +0000

Віталь Рымашэўскі, адзін з лідараў Беларускай хрысціянскай дэмакратыі, даў каментар Беларускаму Радыё Рацыя пра расейскія гібрыдныя пагрозы і неабходнасць сістэмнага адказу на іх з боку Еўропы.

Падставай для размовы стала канферэнцыя ў Еўрапейскім парламенце ў Бруселі, прысвечаная гібрыднай агрэсіі Крамля, яе практыкам і наступствам. У абмеркаванні ўдзельнічаюць дэпутаты Еўрапарламента, а таксама беларускія ўдзельнікі, прадстаўнікі Украіны і Малдовы.

Віталь Рымашэўскі адзначыў, што расейскае ўмяшанне даўно стала праблемай не толькі для краін Усходняй Еўропы, але і для дзяржаў Еўрапейскага звяза. Гаворка ідзе пра спробы ўплыву на выбары, інфармацыйныя атакі і іншыя інструменты ціску, якія Масква выкарыстоўвае супраць дэмакратычных грамадстваў.

У каментары таксама закранаецца ініцыятыва «Еўрапейскі шчыт дэмакратыі», накіраваная на распрацоўку механізмаў абароны еўрапейскіх краін і грамадзян ад гібрыдных пагроз.

Цалкам азнаёміцца з матэрыялам можна тут.

Фота: «Наша Ніва»

The post Гібрыдныя пагрозы Расеі: Віталь Рымашэўскі пра дыскусію ў Еўрапарламенце appeared first on Афіцыйны сайт Беларускай Хрысціянскай Дэмакратыі (БХД).

Заява фракцыі «Наша Справа» / Беларускія Хрысціянскія Дэмакраты

Дзяніс Садоўскі — Wed, 01 Apr 2026 08:00:33 +0000

Фракцыя «Наша Справа» / Беларускія Хрысціянскія Дэмакраты не лічыць мэтазгодным прымаць удзел у выбарчай кампаніі ў Каардынацыйную раду ў яе сённяшнім фармаце.

Гэтае рашэнне не з’яўляецца адмовай ад палітычнай адказнасці. Наадварот, яно звязана з неабходнасцю адкрыта сказаць: у сённяшняй мадэлі Каардынацыйная рада не валодае дастатковай роляй, паўнамоцтвамі і рэальным палітычным уплывам, каб стаць паўнавартасным прадстаўнічым органам беларускіх дэмакратычных сіл.

Мы лічым, што сёння галоўнай задачай павінна стаць не працэдура дзеля працэдуры, а ўзмацненне ролі Каардынацыйнай рады, пераразмеркаванне рэальнага ўплыву і стварэнне больш шырокай і ўключальнай сістэмы ўзаемадзеяння паміж палітычнымі структурамі, грамадзянскай супольнасцю, незалежнымі ініцыятывамі, экспертным асяроддзем і прадстаўнікамі.

Мы заклікаем усе дэмакратычныя сілы да еднасці, кансалідацыі, пастаяннага дыялогу і рэальнага пашырэння ўдзелу ў прыняцці палітычна значных рашэнняў.

Толькі так можна стварыць сапраўды прадстаўнічую, моцную і жыццяздольную альтэрнатыву сённяшняму рэжыму ў Беларусі.

Фракцыя «Наша Справа» / Беларускія Хрысціянскія Дэмакраты застаецца адкрытай да супольнай працы і дыялогу дзеля ўзмацнення беларускага дэмакратычнага руху.

The post Заява фракцыі «Наша Справа» / Беларускія Хрысціянскія Дэмакраты appeared first on Афіцыйны сайт Беларускай Хрысціянскай Дэмакратыі (БХД).

У Вільні адноўлена дзейнасць віленскай суполкі БХД

Дзяніс Садоўскі — Sun, 01 Mar 2026 10:00:59 +0000

28 лютага ў Беларускім доме ў Вільні адбылася сустрэча прыхільнікаў Беларуская хрысціянская дэмакратыя, якая засведчыла аднаўленне дзейнасці віленскай суполкі партыі.

У мерапрыемстве ўзялі ўдзел адзін з лідараў БХД Павел Севярынец, святар Георгій Рой, прафесар Павел Церашковіч, прадстаўнік “Асацыяцыі беларускіх бацькоў Літвы” Уладзімір Заранкін, каардынатар БХД у Польшчы Анатоль Міхнавец, а таксама сакратарка віленскай суполкі Валерыя Чарнаморцава.

Сустрэча сабрала каля сарака ўдзельнікаў.

Аднаўленне віленскай суполкі БХД стала важным крокам у кансалідацыі беларускіх хрысціянскіх дэмакратаў у замежжы. Аргкамітэт Партыі працягне працу дзеля ўмацавання беларускай супольнасці, абароны правоў чалавека і падрыхтоўкі да дэмакратычных пераменаў у Беларусі.

The post У Вільні адноўлена дзейнасць віленскай суполкі БХД appeared first on Афіцыйны сайт Беларускай Хрысціянскай Дэмакратыі (БХД).

Сустрэча з Паўлам Севярынцам у Вільні: размова пра Беларусь, надзею і перамогу

Дзяніс Садоўскі — Sat, 14 Feb 2026 10:00:46 +0000

13 лютага ў Вільні ў памяшканні віленскага «Замка» (Naujoji Riovonių 10) адбылася сустрэча з адным з лідэраў Беларуская хрысціянская дэмакратыя Павел Севярынец.

Падчас сустрэчы ўдзельнікі абмеркавалі сітуацыю ў Беларусі, выклікі жыцця ў выгнанні, лёс палітвязняў, а таксама перспектывы пераменаў. Размова атрымалася шчырай і глыбокай — прагучалі дзясяткі пытанняў пра будучыню краіны, шлях да перамогі і ролю хрысціянскіх каштоўнасцяў у аднаўленні справядлівасці.

Павел Севярынец падзякаваў арганізатарам — у прыватнасці Наталлі Калегавай і камандзе віленскага «Замка» — за цёплую атмасферу і магчымасць адкрытага дыялогу. Паводле ўдзельнікаў, сустрэча стала прасторай падтрымкі, салідарнасці і ўзаемнага ўмацавання.

«Мы — разам. І Беларусь жыве — нягледзячы ні на што!» — гэты настрой аб’яднаў усіх прысутных.

The post Сустрэча з Паўлам Севярынцам у Вільні: размова пра Беларусь, надзею і перамогу appeared first on Афіцыйны сайт Беларускай Хрысціянскай Дэмакратыі (БХД).

🚨 Інстаграм-старонку Віталя Рымашэўскага прызналі «экстрэмісцкай»

Дзяніс Садоўскі — Tue, 16 Sep 2025 14:30:10 +0000

11 верасня 2025 года суд Пухавіцкага раёна Мінскай вобласці ўнёс у спіс «экстрэмісцкіх матэрыялаў» старонку сустаршыні БХД
Віталя Рымашэўскага.

Віталь Рымашэўскі — палітык, грамадскі дзеяч і адзін з лідараў Беларускай хрысціянскай дэмакратыі. Ён актыўна падымае тэмы пераследу вернікаў, свабоды сумлення і рэлігіі ў Беларусі.

Гэта рашэнне — чарговы крок у сістэматычнай кампаніі рэжыму супраць незалежных палітыкаў і людзей веры.

The post 🚨 Інстаграм-старонку Віталя Рымашэўскага прызналі «экстрэмісцкай» appeared first on Афіцыйны сайт Беларускай Хрысціянскай Дэмакратыі (БХД).

«Салідарнасць» апублікавала вялікае інтэрв’ю з Віталём Бандаруком: новыя падрабязнасці пра Паўла Севярынца

Дзяніс Садоўскі — Tue, 16 Sep 2025 11:00:32 +0000

11 верасня зняволенага Віталя Бандарука вызвалілі і выдварылі з краіны. У вялікай размове з выданнем «Салідарнасць» ён, між іншым, распавёў пра знаёмства з Паўлам Севярынцам — адным з лідараў Беларускай хрысціянскай дэмакратыі, які цяпер застаецца за кратамі.

Што Віталь Бандарук кажа пра Паўла Севярынца (поўны пераклад яго слоў, без скарачэнняў)

«…Сярод асуджаных я там сустрэў выдатных людзей. Мне пашанцавала пазнаёміцца з Паўлам Севярынцам.
Так атрымлівалася, што перасякаліся мы з ім у асноўным пры прызначэнні або выкананні пакарання. Яксьці мяне збіраліся змяшчаць у ШІЗА, ужо паклалі на брудную падлогу — рукі за галаву. Ляжу і чую па рацыі: “Там якая-небудзь ‘хата’ ёсць?” (То бок свабодная камера ШІЗА). — “Заўтра Севярынцу выходзіць”. — “Анулюй яму і выпускай”.
І прыводзяць Паўла, а мяне вядуць у яго камеру. Так я ўбачыў яго першы раз. Потым мы апынуліся ў адной чарзе “за пакараннямі”, адкуль выклікалі на камісію ўсіх, на каго паступілі “скаргі”.
Я сам падышоў да яго і сказаў, што вельмі рады яго бачыць, што ведаю яго, глядзеў яго відэа. Пасля мы неаднаразова сустракаліся ў гэтай чарзе.
Яксьці пытаюся, за што яго, а Павел адказвае: “За непрывітанне іду на пакаранне”. Мы ўсе, у каго былі жоўтыя біркі, то бок палітвязні, што стаяць на 10-м прафуліку, заўсёды ішлі ў строі першымі.
Супрацоўнікі, якія трапляліся на шляху, і ў бок якіх звычайныя зэкі нават плявалі, патрабавалі ад нас вітацца так: “Добры дзень, грамадзянін начальнік”. Гэта была прымха, нічога падобнага ў статуце не сказана: калі ідзеш у строі, ні з кім вітацца не павінен.
Але яны ўсё роўна пісалі на нас гэтыя “скаргі”, каб пасадзіць у ШІЗА, прычым не важна, павітаў ты ці не.
І вось прыкладна праз месяц, калі ўжо і Павел адседзеў, і я, мы зноў сустракаемся ў той жа чарзе, і ён мне: “А цяпер, Віталік, іду на пакаранне за прывітанне”.
Да Севярынца баяліся падыходзіць нават звычайныя зэкі. У сталовай ён сядзеў адзін. Я стараўся хаця б павітацца, калі атрымлівалася, садзіўся за столік побач, каб пагаварыць.
Бачыў яго некалькі разоў у царкве. Шчыра кажучы, я не баяўся да яго падыходзіць. Мяне і так неаднаразова кідалі ў ШІЗА, разам з ПКТ я там правёў 8 месяцаў.
Тое, што мы перажывалі ў ШІЗА, — гэта пекла. ПКТ адрозніваецца толькі наяўнасцю ложка, але яго адбіралі за любое “парушэнне”, якое самі ж і прыдумлялі.
…І вось Севярынец гэта пекла перажывае пастаянна. Але ён вельмі стойкі, я яму так і казаў: “Вы мой герой”.»

«…Я казаў усім: “Хлопцы, мы ў палоне, і мы павінны выжыць, павінны выйсці жывымі”. Дарэчы, Севярынец таксама ўсім, і мне ў тым ліку, раіў цярпець, трымацца, казаў, што мы патрэбныя людзям на волі.»

Для нас важна яшчэ раз падкрэсліць: Павел Севярынец — адзін з лідараў Беларускай хрысціянскай дэмакратыі, і ён па-ранейшаму ў турме. Мы вельмі спадзяёмся, што ў найбліжэйшы час Павел, як і ўсе іншыя палітвязні, выйдуць на волю. Мы робім усё ад нас залежнае, каб гэта адбылося як мага хутчэй, і верым, што зусім хутка зможам пачуць гэтыя гісторыі ад Паўла асабіста.

Інтэрвью цалкам.

The post «Салідарнасць» апублікавала вялікае інтэрв’ю з Віталём Бандаруком: новыя падрабязнасці пра Паўла Севярынца appeared first on Афіцыйны сайт Беларускай Хрысціянскай Дэмакратыі (БХД).

Прынята канцэпцыя еўраінтэграцыі Беларусі як стратэгія развіцця і бяспекі

Дзяніс Садоўскі — Fri, 05 Sep 2025 12:00:17 +0000

Хрысціянскія дэмакраты прынялі канцэпцыю «Еўраінтэграцыя Беларусі: стратэгія развіцця і бяспекі». Дакумент прапануе стратэгічнае бачанне еўрапейскага курсу Беларусі як асновы для дэмакратычных пераўтварэнняў, эканамічнай мадэрнізацыі, умацавання нацыянальнай бяспекі і вяртання краіны ў еўрапейскую культурную і каштоўнасную прастору.
У канцэпцыі адзначаецца, што еўраінтэграцыя для Беларусі — гэта не толькі знешнепалітычны выбар, але і інструмент унутранага аднаўлення дзяржавы. Сярод ключавых напрамкаў дакумента — пабудова прававой дзяржавы, судовая і антыкарупцыйная рэформы, дэцэнтралізацыя, развіццё самакіравання, сацыяльна-рыначная эканоміка, падтрымка малога і сярэдняга бізнесу, развіццё чалавечага капіталу і стварэнне ўмоў для вяртання беларусаў з эміграцыі.
Асобная ўвага ў дакуменце надаецца пытанням нацыянальнай і рэгіянальнай бяспекі. Аўтары канцэпцыі падкрэсліваюць, што еўрапейскі курс павінен спрыяць аслабленню залежнасці Беларусі ад Расіі, аднаўленню паўнавартаснага суверэнітэту, мадэрнізацыі сістэмы бяспекі і развіццю супрацоўніцтва з еўрапейскімі і еўраатлантычнымі структурамі.
Канцэпцыя таксама абгрунтоўвае гістарычную і культурную прыналежнасць Беларусі да еўрапейскай цывілізацыі. У дакуменце згадваюцца традыцыі магдэбургскага права, прававая спадчына Статутаў Вялікага Княства Літоўскага, еўрапейская адукацыйная традыцыя і хрысціянска-дэмакратычныя каштоўнасці, якія сталі адной з асноваў сучаснай Еўропы.
У якасці практычнага арыенціру прапануецца дарожная карта еўраінтэграцыі на 10–15 гадоў. Яна прадугледжвае этап палітычнай стабілізацыі, інстытуцыйныя рэформы, гарманізацыю заканадаўства з еўрапейскімі стандартамі, сектаральную інтэграцыю з ЕС і далучэнне Беларусі да еўрапейскіх праграм у сферах адукацыі, навукі, рэгіянальнага развіцця, інфраструктуры і падтрымкі грамадзянскай супольнасці.
Сярод магчымых інструментаў супрацоўніцтва з Еўрапейскім Саюзам у дакуменце называюцца Horizon Europe, Erasmus+, TAIEX, Twinning, NDICI, а таксама праграмы падтрымкі рэгіянальнага развіцця і сацыяльнай палітыкі.
Аўтары канцэпцыі падкрэсліваюць, што еўраінтэграцыя Беларусі павінна разглядацца не як абстрактны геапалітычны лозунг, а як практычная стратэгія мадэрнізацыі краіны, павышэння дабрабыту грамадзян, умацавання незалежнасці і стварэння ўмоў для годнага жыцця наступных пакаленняў.

Спампаваць

The post Прынята канцэпцыя еўраінтэграцыі Беларусі як стратэгія развіцця і бяспекі appeared first on Афіцыйны сайт Беларускай Хрысціянскай Дэмакратыі (БХД).

Прынята гендарная платформа БХД

Дзяніс Садоўскі — Mon, 01 Sep 2025 12:00:32 +0000

Беларуская Хрысціянская Дэмакратыя прыняла гендарную платформу, якая прапануе хрысціянска-дэмакратычны падыход да роўнасці мужчын і жанчын, падтрымкі сям’і і адказнага бацькоўства.
У цэнтры платформы — прынцып роўных магчымасцяў пры павазе да рознасці мужчын і жанчын. БХД падкрэслівае, што дзяржава павінна не навязваць сямейныя ролі, а ствараць умовы, каб жанчыны і мужчыны мелі роўны доступ да адукацыі, працы, палітычнага ўдзелу, самарэалізацыі і сацыяльнай абароны.
Асобны акцэнт зроблены на падтрымцы бацькоўства і сямейнай палітыцы. Платформа прапануе развіваць гнуткія формы занятасці, забяспечыць доступ бацькоў у адпачынку па доглядзе за дзіцём да адукацыі і перападрыхтоўкі, пашыраць сетку ясляў, у тым ліку пры месцах працы, і падтрымліваць лакальныя формы дзіцячага догляду.
БХД таксама прапануе стымуляваць больш актыўны ўдзел мужчын у выхаванні дзяцей. Сярод прапаноў — падзел бацькоўскага адпачынку паміж абодвума бацькамі, фінансавыя бонусы за ўдзел таты ў доглядзе дзіцяці і інфармацыйная кампанія «Тата — гэта таксама мама».
У заканадаўчым блоку дакумент прадугледжвае прыняцце закона аб роўных магчымасцях і забароне гендарнай дыскрымінацыі, змены ў Працоўны кодэкс, механізмы празрыстага найму і гендарнага аўдыту, а таксама закон аб абароне ад сямейнага гвалту, які павінен бараніць усіх пацярпелых — жанчын, мужчын, дзяцей і сталых людзей.
Платформа закранае і ўдзел жанчын у грамадскім жыцці. БХД выступае за ментарскія праграмы, школы жаночага лідарства, падтрымку жанчын у STEM, ІТ і прадпрымальніцтве, а таксама спецыяльныя праграмы для жанчын з груп рызыкі.
У дакуменце выкарыстаныя прыклады сямейнай і гендарнай палітыкі Германіі, Швецыі, Аўстрыі, Нідэрландаў, а таксама падыходы OECD, EIGE, UN Women і іншых міжнародных інстытуцый. Пры гэтым БХД падкрэслівае, што беларускі падыход павінен грунтавацца на хрысціянска-дэмакратычных каштоўнасцях, сацыяльнай справядлівасці і падтрымцы сям’і як базавага інстытута грамадства.
Прынятая платформа пазіцыянуецца як аснова для будучых заканадаўчых ініцыятыў, працы ў мясцовых саветах, камунікацыі з грамадствам і супрацоўніцтва з міжнароднымі партнёрамі. БХД заяўляе, што роўныя магчымасці, абарона годнасці чалавека і моцная сям’я павінны стаць аднымі з прыярытэтаў сацыяльнай палітыкі Беларусі.

Спампаваць

The post Прынята гендарная платформа БХД appeared first on Афіцыйны сайт Беларускай Хрысціянскай Дэмакратыі (БХД).

Маладыя хрысціянскія дэмакраты распрацавалі Моладзевую платформу БХД/МХД

Дзяніс Садоўскі — Sat, 30 Aug 2025 12:00:45 +0000

Маладыя хрысціянскія дэмакраты падрыхтавалі праграмны дакумент «Моладзевая платформа БХД/МХД» — бачанне рэальных зменаў для беларускай моладзі ў Беларусі і ў эміграцыі.

Платформа заснаваная на прынцыпах хрысціянскай дэмакратыі: годнасці асобы, свабоды і адказнасці, справядлівасці, салідарнасці і субсідыярнасці. Дакумент аналізуе ключавыя выклікі, з якімі сутыкаюцца маладыя беларусы: ад крызісу адукацыі, ідэалагічнага ціску і адсутнасці сацыяльных ліфтаў да эміграцыі, страты сувязі з Беларуссю і недастатковага ўдзелу моладзі ў прыняцці рашэнняў.

МХД прапануюць сем асноўных кірункаў зменаў: сучасную і свабодную адукацыю, падтрымку першага працаўладкавання, рэальнае школьнае і студэнцкае самакіраванне, сістэму падтрымкі моладзевых ініцыятыў, развіццё культуры, мовы і незалежных медыя, палітычны ўдзел моладзі, а таксама паўнавартаснае ўключэнне беларускай моладзі ў эміграцыі ў нацыянальныя дэмакратычныя працэсы.

Асобная ўвага ў платформе надаецца практычным механізмам рэалізацыі: стварэнню Моладзевага савета пры дэмакратычных сілах, сістэме міні-грантаў і ментарства, адукацыйным і медыйным платформам, міжнароднаму супрацоўніцтву і падрыхтоўцы заканадаўчых прапаноў для будучага дэмакратычнага парламента Беларусі.

МХД падкрэсліваюць: беларуская моладзь не павінна быць дэкаратыўным дадаткам да палітычных працэсаў. Яна ўжо сёння з’яўляецца суб’ектам пераменаў і павінна мець рэальнае месца, голас і адказнасць у фармаванні будучыні Беларусі.

Спампаваць

The post Маладыя хрысціянскія дэмакраты распрацавалі Моладзевую платформу БХД/МХД appeared first on Афіцыйны сайт Беларускай Хрысціянскай Дэмакратыі (БХД).