У Бабруйску актывісты БХД збіраюць подпісы у абарону жыцця (фота)
У Бабруйску 10 красавіка актывісты Беларускай Хрысціянскай Дэмакратыі збіралі ля мясцовай каталіцкай парафіі подпісы ў падтрымку кампаніі “У абарону жыцця”, паведаміла прэсавай службе БХД каардынатар аргкамітэту па Магілёўскай вобласці Таісія Кабанчук.
Таксама адбылася раздача друкаваных матэрыялаў на пралайф-тэматыку. Удзел у акцыі сярод іншых узяў сустаршыня аргкамітэту БХД Віталь Рымашэўскі.
А Маладыя Хрысціянскія Дэмакраты Бабруйску працягваюць збор подпісаў па праблемах “Рэформы сістэмы адукацыі” і “Паляпшэння якасці медыцынскага абслугоўвання”. “Для жыхароў нашай акругі праблема медыцынскага абслугоўвання актуальная, таму яны з радасцю ставілі подпісы і пераконвалі сваіх суседзяў. Некалькі жыхароў зацікавіліся дзейнасцю МХД і былі жадаючыя дапамагчы ў зборы подпісаў”, – адзначыў актывіст Арсень Чыгір.
