Сябры БХД правялі сумесную талаку ў Курапатах (фота)
У пятніцу 15 красавіка сябры Менскай гарадской арганізацыі аргкамітэту па стварэнні партыі “Беларуская Хрысціянская Дэмакратыя” правялі сумесную талаку ў Курапатах. Удзел у акцыі сярод іншых узялі адказны сакратар БХД Дзяніс Садоўскі, лідар Хрысціянска-дэмакратычнага руху Вольга Кавалькова, будучы прамоўца аргкамітэту падчас парламенцкай кампаніі Аляксандр Кавалькоў і іншыя.
“Мы вельмі ўзрадаваныя, што сёлета частку тэрыторыі Курапатаў перадалі ў іншы лясгас і ў выніку апошнія два тыдні там актыўна вядзецца праца, прадстаўнікі лясгасу наводзяць парадак і гатовыя да супрацы”, – адзначыла Вольга Кавалькова.
З пачаткам сезону акцыі па навядзенні парадку ў Курапатах будуць рэгулярнымі. “Працы шмат, таму прапануем усіх неабыякавых далучацца”, – запрасіла лідар ХДР.
