У Маладэчне стварылі аргкамітэт святкавання 100-годдзя БХД
У Маладэчне прайшла сустрэча “Клуба Андрэя Цікоты”, прысвечаная адзначэнню 100-годдзя Беларускай Хрысціянскай Дэмакратыі. Сустаршыня БХД Павел Севярынец выступіў перад прысутнымі з расповедам пра гісторыю хрысціянскай дэмакратыі ў Беларусі, а таксама пра лідараў БХД Андрэя Цікоту і Паўла Карузу, чый лёс быў звязаны з Маладэчнам.
У сустрэчы ўзяла ўдзел больш як 20 маладэчанцаў – сябраў БХД, Маладога Фронту, прадстаўнікоў іншых арганізацыяў.
На сустрэчы быў утвораны Маладэчанскі аргкамітэт святкавання 100-годдзя БХД.
Нагадаем, 24 мая 2017 года споўніцца 100 гадоў з часу заснавання беларускай хрысціянска-дэмакратычнай партыі.
