У сценах Еўрапарламента гучалі імёны Паўла Севярынца і Віталя Рымашэўскага
Члены
Еўрапейскага парламента 6 красавіка прынялі тэрміновую рэзалюцыю аб сітуацыі ў
Беларусі, які асудзіў рэжым Беларусі за яго разгонам дэманстрантаў і рэпрэсіі,
якія адбыліся ў сакавіку месяцы. Еўрадэпутаты заклікалі да неадкладнага
вызвалення беларускіх вязняў.
“Неспрыяльныя
эканамічныя ўмовы вывелі ў канцаысакавіка, тысячы людзей на вуліцы па ўсёй
Беларусі, каб у рамках мірных дэманстрацый паказаць сваю нязгоду і
незадаволенасць з тым, што адбываецца ў іх краіне. На жаль, рэпрэсіўны рэжым
абраў замест дыялогу сілы, а дэманстрантаў разагнаў, арыштаваў або аштрафаваў.
Былі затрыманыя амаль 1000 чалавек з ліку актывістаў, праваабаронцаў і
прадстаўнікоў СМІ”, – сказала ў межах дыскусіі еўрадэпутат Міхаэла Шойдрава (Michaela
Šojdrová) ад Хрысціянска-дэмакратычнага саюзу – Чэхаславацкай народнай партыі (KDU-ČSL),
віцэ-прэзідэнт чэшскай дэлегацыі ў фракцыі Еўрапейскай народнай партыі (EPP).
Павел Свобада (Pavel
Svoboda, KDU-ČSL), старшыня юрыдычнага камітэта Еўрапарламента, нагадаў, што ЕС
у апошнія гады ініцыяваў шэраг крокаў дружалюбных да Беларусі. Адказам рэжыму
прэзідэнта Лукашэнкі на выраз добрай волі была новая хваля рэпрэсій, уключна з
увядзеннем падатку на “дармаедства”, які ў гэтым годзе датычыў 470 000
беларускіх грамадзян.
Абодва дэпутаты ўзгадалі
сустаршыняў Беларускай хрысціянскай дэмакратыі Паўла Севярынца і Віталя Рымашэўскага
і старшыню Аб’яднанай грамадзянскай партыі Анатоля Лябедзьку. Павел Севярынец атрымаў
ужо другі адміністрацыйнага арышт за ўдзел у дэманстрацыі, Віталь Рымашэўскі і
Анатоль Лябедзька атрымалі стабільна высокія штрафы.
Павел Свобада і Міхаэла
Шойдрава заклікалі да неадкладнага спынення пераследу і вызвалення
дэманстрантаў, журналістаў, прадстаўнікоў палітычных партый і грамадскіх
арганізацый.
