Намеснік міністра МНС адказаў Севярынцу і Лялькову пра АЭС на 9 аркушах
Кіраўнікі Аргкамітэту Чарнобыльскага Шляху – 2017 Павел
Севярынец і Ігар Лялькоў атрымалі ад намесніка міністра Міністэрства па
надзвычайных сітуацыях (!) Г. Ф. Ласуты адказ на рэзалюцыю ЧШ-2017 адносна
будаўніцтва Астравецкай АЭС.
Адказ складзены па-беларуску; на 9 аркушах намеснік міністра
стараецца патлумачыць, дзеля чаго ўсё-такі Беларусі АЭС, а таксама выкладае
сваю думку адносна Дэкрэта нумар 3 і “Справы патрыётаў”.
– Дзіўна, што піша нам Міністэрства па надзвычайных сітуацыях,
– кажа адрасат адказу Павел Севярынец, – мы перадавалі рэзалюцыю ў
Адміністрацыю і Саўмін. Калі за Астравецкую АЭС ужо адказвае МНС, ці азначае
гэта, што ўлады рыхтуюцца да горшага?
Скан адказу прыкладаецца.
