Сустаршыня БХД Павел Севярынец узяў удзел у акцыі пратэсту супраць расійска-беларускіх вучэнняў “Захад-2017”, якая прайшла ў Менску.

Севярынец выступіў на мітынгу на Кастрычніцкай плошчы, павітаў удзельнікаў акцыі ад імя Беларускай Хрысціянскай Дэмакратыі і нагадаў, што больш за 500 гадоў таму пакаленні продкаў беларусаў змагаліся ў Аршанскай і іншых бітвах, каб захаваць незалежнасць. «Наш абавязак сёння — абараніць Беларусь. Мы мусім быць годнымі абаронцамі сваёй краіны, яскравым прыкладам для сваіх нашчадкаў» – заявіў сустаршыня БХД. Ён таксама пералічыў сённяшніх палітвязняў і запатрабаваў ад уладаў неадкладна іх вызваліць.

Акцыя закончылася на плошчы Якуба Коласа спяваннем беларускага нацыянальнага гімну “Магутны Божа”.