Вядучыя партыі Беларусі выступілі ў падтрымку праціўнікаў заводу АКБ у Берасці
Вядучыя дэмакратычныя партыі Беларусі зрабілі заяву ў падтрымку праціўнікаў заводу АКБ у Берасці.
СПЫНІЦЬ ЦІСК НА ПРАЦІЎНІКАЎ БУДАЎНІЦТВА ЗАВОДА АКБ У БРЭСЦЕ
ЗАЯВА Аб’яднанай Грамадзянскай партыі, Беларускай сацыял-дэмакратычнай партыі (Грамада) Беларускай Хрысціянскай Дэмакратыі, ПАГА “Рух “За Свабоду”
Мы, прадстаўнікі дэмакратычных арганізацый, абураны фактамі крымінальнага пераследу Аляксандра Кабанава, Сяргея Пятрухіна, Майсея і Дзяніса Мазько, а таксама пераследам міліцыяй актывістаў Ігара Зубіка і Таццяны Фесікавай, якія выступаюць супраць будаўніцтва завода акумулятараных батарэй у Брэсце.
Мы лічым, што пратэстоўцы абараняюць сваё права на бяспечнае навакольнае асяроддзе, бяспечную будучыню для сябе, сваіх дзяцей і ўсіх жыхароў г. Брэста.
Пратэсты грамадзян супраць будаўніцтва завода АКБ ў г. Брэсце – прыклад мужнасці і грамадзянскай актыўнасці.
Мы заклікаем мясцовыя ўлады спыніць будаўніцтва завода, якое вядзецца з парушэннямі норм экалагічнай бяспекі, а міліцыю – спыніць усе магчымыя рэпрэсіі, а таксама пераслед лідараў і актывістаў пратэсту.
Віталь Рымашэўскі, сустрашыня БХД
Мікалай Казлоў, старшыня АГП
Ігар Барысаў, старшыня БСДПГ
Юры Губарэвіч, старшыня “Рух “За Свабоду”
