Кандыдаты ад БХД узялі ўдзел у пікеце памяці зніклых (фота)
Трое кандыдатаў ад Беларускай хрысціянскай дэмакратыі – сустаршыня БХД Вольга Кавалькова, намеснік Менскага гарадскога каардынатара Пятро Папраўка і актывістка Надзея Гацак – 16 верасня ўзялі ўдзел у супольным апазіцыйным пікеце ля ГУМу ў Менску, які быў прысвечаны памяці апазіцыйных палітыкаў.
Нагадаем, што роўна 20 гадоў, 16 верасня 1999 года, зніклі былы старшыня ЦВК Беларусі Віктар Ганчар і ягоны сябар Анатоль Красоўскі.
За некалькі месяцаў да таго знік былы міністр унутраных справаў Юры Захаранка і раптоўна памёр былы віцэ-спікер Вярхоўнага Савету Генадзь Карпенка.
