У Палаце хочуць адмовіцца ад зменаў у Выбарчы кодэкс. Віталь Рымашэўскі заклікае падтрымаць змены (ОНЛАЙН Петыцыя)
Як паведаміла дэпутат Ганна Канапацкая, у Палаце прадстаўнікоў збіраюцца зняць з позвы дня праект зменаў у Выбарчы кодэкс. Беларуская хрысціянская дэмакратыя заклікае падтрымаць змены ў Выбарчы кодэкс і сабраць подпісы ў іх падтрымку.
Кажа сустаршыня БХД Віталь Рымашэўскі:
“Адсутнасць свабодных выбараў у нашай краіне абражае беларускіх грамадзян і ганьбіць нашу краіну. Калі ў Беларусі грамадзяне не атрымаюць магчымасць абіраць уладу, то нам не спыніць карупцыю, не спыніць чынавенскае бязмежжа і беззаконне ў судах. Дэмакратычныя рэформы таксама немагчымыя без свабодных выбараў, бо чыноўнікі, якія знаходзяцца ва ўладзе, зацікаўленыя ў захаванні існай сітуацыі. Я заклікаю ўсіх падтрымаць гэтую ініцыятыву 50 тыс. подпісаў – гэта сімвалічная лічба, неабходная для заканадаўчай ініцыятывы грамадзян Беларусі. Улады кажуць, што людзі задаволеныя выбарамі. Давайце пакажам, што гэта не так”.
Петыцыя для збору подпісаў онлайн: https://docs.google.com/forms/d/e/1FAIpQLSeIgF7utknNMVWAMVt2uEKfJoBj_YPgMFeFJfTeJH11sf6yXQ/viewform
