МХД аб’яўляе конкурс сярод беларускіх студэнтаў (Заяўка)
Калі ты беларускі студэнт і гатовы пасябраваць са студэнтамі з Еўропы? Калі ў цябе ёсць цікавыя ідэі па арганізацыі супольных мерапрыемстваў з моладдзю з краін Еўрапейскага Саюза?
Тады мы запрашаем цябе прыняць удзел у нашым конкурсе!
Проста дашлі да 20 лютага свой праект ці ідэю супольнага мерапрыемства для беларускіх і літоўскіх (або любых іншых ерапейскіх студэнтаў).
Трое пераможцаў конкурса стануць удзельнікамі ўнікальнай паездкі па наладжванні кантактаў з моладзевымі арганізацыямі адной з еўрапейскіх краін для сумеснай дзейнасці.
І твая ідэя будзе рэалізавана!
Дасылай сваю ідэю прымацаваным дакументам на пошту: [email protected]
Дэдлайн: 20 лютага 2012 г.
Для ўдзелу ў конкурсе дашлі заяўку, у якой пазнач свае імя і прозвішча, кантактныя дадзеныя (нумар тэлефону і адрас электроннай пошты) і паселішча (горад, мястэчка, вёска), у якім ты пражываеш. Самае галоўнае – дашлі тэкст праекта, у якім апішы сваю ідэю (аб’ём – не больш 2000 знакаў).
Вынікі конкурса будуць абвешчаныя 20 лютага.
