У ЗША адбыліся Чарнобыльскія мерапрыемствы (фота)
25-26 красавіка 2012 года сябры Згуртаваньня Беларускай Моладзі ў Амэрыцы былі запрошаны на сустрэчы з некаторымі кангрэсменамі ЗША. Сустрэчы былі прысьвечаны 26 гадавіне Чарнобыльскай трагедыі, небяспецы будауніцтва атамнай станцыі на Беларусі пад уладай дыктатара, сітуацыі з палітвязьнямі, адмове беларускіх уладаў рэгістраваць партыю Беларуская Хрысьціянская Дэмакратыя, блакаваньню некаторымі еўрапейскімі краінамі паўнавартасных санкцый у дачыненьні бізнесоўцаў, якія фінансуюць рэжым Аляксандра Лукашэнкі. Удзельнікі сустрэчы мелі мажлівасць непасрэдна звярнуцца з прапановамі наконт магчымай падтрымкі, якую б маглі аказаць Беларусі амэрыканскія кангрэсмены.
Сяброўка Згуртаваньня-Беларускай Модадзі ў Амэрыцы Ганна Лазука прапанавала пільна сачаць за лёсам вызваленых палітвязьняў Андрэя Саньнікава і Дзмітра Бандарэнкі, каб КДБ не рабіла іх і іх сем’і ахвярамі свайго тэрору.
Тацьцяна Іршына (ЗБМА) прапанавала весьці больш цесную супрацу з еўрапейскімі краінамі, з якімі урад Лукашэнкі мае эканамічныя кантакты, для тако каб санкцыі ў дачыненьні да бізнесоўцаў, якія фінансуюць рэжым Лукашэнкі былі больш поўныя.
Юры Новікаў (ЗБМА) прапанаваў блакаваць пастаўкі абарудваньня для атамнай станцыі, каб прадухіліць мажлівасьць дыктатару шантажаваць свой народ і рабіць яго закладнікам сваіх’ ядзерных амбіцый.
На другі дзень сустрэчаў сябры Згуртаваньня Беларускай Моладзі ў Амэрыцы правялі дэманстрацыі каля амбасады Беларусі. Мітынгоўцы патрабавалі вызваленьня палітвязьняў і сыходы Лукашэнкі ад улады.
Фота 1. Сябры ЗБМА на сустрэчы з кангрэсменам Крыстаферам Смітам
Фота 2. Сябры ЗБМА на сустрэчы кангрэсменам Крыстаферам Смітам каля Капітолія.
Фота 3. Сябры ЗБМА на сустрэчы кангрэсменам Надзеяй Веласкес.
Фота 4. Сябры ЗБМА на дэманстрацыі каля амбасады Беларусі ў Вашынгтоне.
