У Кіеве прайшоў супольны хрысціянска-дэмакратычны лагер (фота)
У сталіцы Украіны
Кіеве 3-5 жніўня ва Украінскай евангельскай тэалагічнай семінарыі прайшоў
хрысціянска-дэмакратычны лагер «Хрысціянін і грамадства. Адказнасць перад Богам
і чалавекам», у якім узялі ўдзел прадстаўнікі Беларускай хрысціянскай
дэмакратыі, Хрысціянска-дэмакратычнага саюзу Украіны і Рэфармацкай
палітычнай партыі Нідэрландаў (SGP).
Беларусаў сярод
іншых на мерапрыемстве прадстаўлялі сустаршыня БХД Георгі Дзмітрук,
прэс-сакратар Максім Гацак, каардынатар па Магілёўскай вобласці Таісія
Кабанчук, па Берасце Алена Брыштэн, хрысціянскія журналісты Вікторыя Чаплева і
Анатоль Шырвель ды іншыя. Сярод удзельнікаў з украінскага і галандскага бакоў
былі старшыня ХДС Аляксандр Чарненка, яго намеснік Мікола Дзідух, прэс-сакратар
Людміла Бойчанка, каардынатар па міжнародных справах SGP Кейс Кнулст (Kees Knulst) ды іншыя.
Падчас летніку яго ўдзельнікі абмеркавалі пытанні
ўзаемадзеяння СМІ і хрысціянскай супольнасці, хрысціянскі погляд на грамадства
і важнасць Дзесяці запаведзяў у дачыненні справядлівасці ў грамадстве, пытанні
ўзаемадзеяння палітычных партый і цэркваў, дачыненні з моладдзю і фармаванне
адказнай самасвядомасці маладога пакалення. Усе адукацыйныя семінары, як і сам
летнік, пачыналіся і скончваліся малітвай “Ойча наш”, а неад’емнай часткай
летніка стала вывучэнне Бібліі, у тым ліку па пытаннях палітычнай і сацыяльнай адказнасці
хрысціян. Чакала гасцей лагеру
Хрысціянска-дэмакратычны летнік у Кіеве сёлета быў юбілейным
і прайшоў у пяты раз. “Яго правядзенне вельмі важнае, як для абмену досведам
паміж хрысціянскімі дэмакратамі трох краін, гэтак і для разумення Божай задумы
адносна грамадства і ролі хрысціян у ёй”, – адзначыў прэс-сакратар БХД Максім
Гацак.
