БХД: ужо 11 месяцаў у Курапатах
Вось ужо 11 месяцаў у Курапатах ля брамы незаконна пабудаванай рэстарацыі «Поедем-поедім» стаіць варта абаронцаў. У сераду, дзень БХД, яна пачынаецца а 12.00, з адкрыццём кабаку, і доўжыцца да 20.00. Удзельнікі стаяць з бел-чырвона-белымі сцягамі, раздаюць буклеты пра Курапаты наведнікам, адгаворваюць іх ад наведвання і фіксуюць машыны, якія ўсё-такі праязджаюць.
Сустаршыня БХД Павел Севярынец кажа:
– Курапацкая варта – гэта адзіная стала дзейная штодзённая пляцоўка беларускага руху ў краіне на сёння. Без выходных і перапынкаў. Тут мы знаёмімся, молімся, абмяркоўваем падзеі, плануем кампаніі. Апошнім часам абыходзіцца без пратаколаў. Прыходзьце і далучайцеся!
На фота: варта Беларускай Хрысціянскай Дэмакратыі ў Курапатах у сераду 1 траўня.
